Menu
  • News paper
  • Video
  • Audio
  • CONTACT US
  • Jainam Jayati Shasanam   13 March 2018 8:43 PM

    પ્રભુના નામ પાછળનું રહસ્ય

    (૧) શ્રી ઋષભદેવ પ્રભુ*
    સાથળમાં વૃષભનું ચિહ્ન હતું. ચૌદ સ્વપ્નમાં માતા મરૂદેવાએ પ્રથમ સ્વપ્ને વૃષભને જોયો. તથા ૧૮ કોડાકોડિ સાગરોપમ પછી કે પહેલા ધર્મની શરૂઆત કરી તેથી આદિનાથ પણ કહેવાય છે

    *(૨) શ્રી અજિતનાથ પ્રભુ*
    માતા વિજયારાણી, પિતા જિતશત્રુની સાથે સોગઠા બાજીમાં રમતા રાણી રાજાને જીતવા જ લાગી, હાર્યા નહિં. તેમ રાગાદિ શત્રુઓને પણ પ્રભુએ જીતી લીધા

    *(૩) શ્રી સંભવનાથ પ્રભુ*
    પ્રભુનો જન્મ થવાથી સર્વત્ર ધન-ધાન્ય પેદા થવા લાગ્યું-અછત-દુષ્કાળ નષ્ટ થયો અને સારાં લક્ષણોનો સંભવ છે માટે સંભવનામ પડ્યું

    *(૪) શ્રી અભિનંદન પ્રભુ*
    પ્રભુ ગર્ભમાં આવ્યા ત્યારથી ઈન્દ્રદેવ વારંવાર આવીને સ્તુતિ કરવા લાગ્યા અને કુળ નગરી રાજ્ય - સર્વ લોકો હર્ષ પામ્યા અભિનંદન આપવા લાગ્યા

    *(૫) શ્રી સુમતિનાથ પ્રભુ*
    માતાને એકવાર વિષમ ઘટનાનો ચુકાદો આપવામાં બુદ્ધિ સારી ઉપજી ઝઘડો શાંત થયો

    *(૬) શ્રી પદ્મપ્રભ સ્વામી પ્રભુ* 
    માતાને કમલ પત્રમાં સુવાની ઈચ્છા થઈ, અને પ્રભુ કમળની જેમ નિર્લેપ નિર્મોહ બન્યા

    *(૭) શ્રી સુપાર્શ્વનાથ પ્રભુ*
    માતાનાં બંને પડખા રોગથી વ્યાપ્ત હતાં પણ ઉદરમાં પધારતાં જ નિરોગી બન્યા સુવર્ણમય દેખાયા

    *(૮) શ્રી ચંદ્રપ્રભ સ્વામી*
    માતાને ચંદ્રના કિરણોનું રસપાન કરવાની ઈચ્છા થઈ અને શીતલતાનો અનુભવ થયો

    *(૯) શ્રી સુવિધિનાથ પ્રભુ*
    ગર્ભમાં શુભ ક્રિયાઓ કરવાના ભાવ થયા અને પ્રભુજી શુભ ક્રિયા કરનારા થયા

    *(૧૦) શ્રી શીતલનાથ પ્રભુ* 
    પિતાજીનો દાહજવર, માતાના હસ્ત સ્પર્શથી શાંત થઈ ગયો અને જગતના ત્રિવિધ તાપને પણ શાંત કર્યા

    *(૧૧) શ્રી શ્રેયાંસનાથ પ્રભુ* 
    કોઈક દેવસ્થાપિત શય્યાની પૂજા થતી પણ કોઈ ઉપભોગ ન કરી શકે માતાએ ઉપભોગ કરી તો પણ ગર્ભ પ્રભાવે કંઈ ન થયું ઉપરથી જગતનું કલ્યાણ થયું

    *(૧૨) શ્રી વાસુપૂજ્ય પ્રભુ*
    ઈન્દ્રે આવી વારંવાર રત્ન (ધન) ની વર્ષા કરી, અને પિતા વાસુદેવ ઉપરથી વાસુપૂજ્ય નામ પાડ્યું

    *(૧૩) શ્રી વિમલનાથ પ્રભુ*
    માતાના તન-મન ગર્ભથી નિર્મળ થયા અને પ્રભુએ વિમલ બુદ્ધિથી કર્મ મળનો નાશ કર્યો

    *(૧૪) શ્રી અનંતનાથ પ્રભુ*
    માતાએ અનંત મણિ રત્નોની સ્વપ્નમાં માળા જોઈ અને અનંતગાંઠના દોરા કરી બાંધ્યા, લોકોના તાવ વગેરે દૂર થયું. પ્રભુએ રત્નત્રયીની અનંત આરાધના કરી.

    *(૧૫) શ્રી ધર્મનાથ પ્રભુ*
    માતા વધારે ધર્મ ઉપર પ્રીતિ - પ્રેમવાળા થયા પ્રભુને ધર્મનો સહજ સ્વભાવ હતો

    *(૧૬) શ્રી શાંતિનાથ પ્રભુ*
    દેશમાં રહેલા સર્વ રોગો ઉપદ્રવો ગર્ભસમયે દૂર થયાં, સર્વત્ર શાંતિ ફેલાઈ.

    *(૧૭) શ્રી કુંથુનાથ પ્રભુ*
    સ્વપ્નમાં રત્નનો મોટો સ્તૂપ (થાંભલો) જોયો, શત્રુઓ કુંથુ જેવા નાના થઈ ગયા અને નાના નાના સૂક્ષ્મ જીવોની જયણા દેશમાં પ્રવર્તી

    *(૧૮) શ્રી અરનાથ પ્રભુ*
    સ્વપ્નમાં રત્નમય ચક્ર (આરો) તથા સ્તૂપ જોયા, અને વંશની વિશેષ વૃદ્ધિ થઈ.

    *(૧૯) શ્રી મલ્લિનાથ પ્રભુ*
    માતાએ છએ ઋતુના ફૂલોની શય્યામાં સુવાનો દોહદ, દેવોએ પૂર્ણ કર્યો તથા પ્રભુએ મોહાદિ મલ્લો જીત્યા હોવાથી.

    *(૨૦) શ્રી મુનિસુવ્રત સ્વામી*
    માતાને ઉત્તમ વ્રતો પાલન કરવાની ઈચ્છા થઈ, અને બાર વ્રતો પાલન કરવા લાગ્યા.

    *(૨૧) શ્રી નમિનાથ પ્રભુ*
    માતાને કિલ્લા ઉપર ફરતા જાઈને શત્રુઓ માતાનું તેજ સહન કરી શક્યા નહિ, નમી ગયા અને પ્રભુએ પણ રાગ-દ્વેષને નમાવી દીધેલા.

    *(૨૨) શ્રી નેમિનાથ પ્રભુ(અરિષ્ટ)*
    માતાએ સ્વપ્નમાં અરિષ્ટ-કાળારત્નને જોયું, ઉજળતું ચક્ર જોયું, અને પ્રભુ કર્મનો નાશ કરવામાં ધર્મ ચક્રની ધારા સમાન હોવાથી.

    *(૨૩) શ્રી પાર્શ્વનાથ પ્રભુ*
    રાજાની શય્યા પાસેથી માતાએ સર્પને ડસ્યા વિના જતો જોયો

    *(૨૪) શ્રી વર્ધમાન (મહાવીર) સ્વામી*
    રાજ્ય ભંડારમાં ધન-ધાન્ય ઋદ્ધિ - સિદ્ધિ વધવા જ લાગી. યશ-કીર્તિથી
    માતા - પિતા પણ વુદ્ધિ પામ્યા, અને પ્રભુજી નિર્ભય અડગ અને પરાક્રમી થયા.


    STAY CONNECTED

    FACEBOOK
    TWITTER
    YOUTUBE